Bu barədə məlumat verən sahibkarlar vəziyyətin acınacaqlı hal aldığını bildirdilər.
Onlar sahibkar Rəşid Babayevin “Şərq bazarı”ında 66 dükanı hər vəchlə, qanunsuz olaraq sökməkdə israrlı olduğunu, bu işdə adıçəkilən sahibkara yerli icra hakimiyyəti səviyyəsində himayədarlıq edildiyini və xüsusi dəstək verildiyini bildirirlər.
Redaksiyamıza müraciət edən bir qrup sumqayıtlı sahibkar qeyd edir ki, “Şərq bazarı”nın müdiri R.Babayevin Dövlət Sərhəd Xidmətinin rəisi Elçin Quliyevin qardaşı, Sumqayıt Şəhər İcra Hakimiyyəti başçısınin birinci müavini Akif Quliyev ilə əlbir olaraq abadlıq bəhanəsi ilə qanuni sənədləri olan dükanlarının sökür: \’\’Bu yaxınlarda Akif Quliyev sahibkarlarla bir neçə dəfə görüşüb. İlk görüşdə deyib ki,dükanlar söküləcək, indi vəziyyət Eldar Əzizovun (Sumqayıtın keçmiş icra başçısı)vaxtındakı kimi deyil.
Sonradan isə deyib yox, bəs dükanlarınızın qabağını hasarlayırıq ki, abadlaşdıraq, mallarınızı çıxarın, amma dükanlaranıza əl dəyilməyəcək. Ancaq axırıncı görüşlərin birində Akif Quliyev taktikanı dəyişib və dükanlarının abadlaşdırması üçün 66 sahibkara Sumqayıt icra başçısı Zakir Fərəcovun bu il fevralın 26-da imzaladığı , Rəşid Babayevə məxsus , “RŞHT” şirkəti ilə bağlı sərəncamı göstərib. Bu sərəncamın əslində 66 sahibkara heç bir aidiyyatı yoxdur.
Həmin sərəncamda isə bildirlir ki, mövcud ticarət mərkəzi uzunmüddətli istismar nəticəsində fiziki aşınmaya qalıb, memarlıq baxımdan müasir tələblərə cavab vermədiyi üçün və şəhər Memarlıq və şəhərsalma idarəsinin təklifini nəzərə alaraq 9-cu mikrorayon ərazisindəki , “RŞHT” şirkətinin istifadəsində olan sahədə şirkətinin Ticarət Mərkəzinin yenidən qurulmasının layihələşməsininə icazə verilsin. Sonra da layihədən irəli gələn, bəndlər göstərilir, ən əsası isə “RŞHT” şirkətinə heç bir aidyiyyatı olmayan 66 sahibkara məxsus arkalı dükanlardan bir kəlmə deyilmir\’\’.
Sahibkarlar qeyd edir ki, “Şərq bazarı” yarandığı gündən bu günə qədər söz-söhbətdən, problemlərdən yan dura bilməyib. Bunun da əsas səbəbkarı sahibkarlardan neçə illərdir əl çəkməyən, dükanların ona məxsus olmamasını həzm etməyən Rəşad Babayevdir. Bir bir neçə il əvvəl ölkə mətbuatını Sumqayıtda “Şərq bazarı” adlanan ticarət mərkəzi ətrafında 66 sahibkar və Rəşid Babayev arasında yaşanan qarşıdurma zəbt etmişdi.
Aylarla bu məsələ ölkənin yüzlərlə tanınmış qəzet və saytlarının manşetindən düşmürdü. Neçə illərdir həllini tapmayan bu məsələdə Elçin Quliyevdən, onun qardaşı Akif Quliyevdən tutmuş, keçmiş baş prokuror, hal-hazırda Azərbaycanın Rumıniyadakı səfiri Eldar Həsənova, onun qardaşı Şahin Həsənov, eləcə də İcra başçısı Eldar Əzizova və Əmlak Komitəsinin sədri Kərəm Həsənova qədər qədər bir çox məmurların adı hallanıb.
\’\’Rəşid Babayev 2010-cu ildə “Şərq bazarı”nın bir hektardan çox ərazisini gizlincə və qanunsuz olaraq özəlləşdirəndən sonra ”həvəslənərək” sözügedən 66 obyekti sahibkarların əlindən almaq ,sonradan isə ümumiyyətlə sökmək istəyirdi.Baxmayaraq ki, cəmi 12 sot ərazini əhatə edən 66 obyektin sahiblərinin əlində dükanların onlara məxsus olması haqda “daşdan keçən” tam qanuni sənəd olub.
Sahibkarlar düşünürlər ki, sadəcə “bazarkom” Rəşid artıq qanuni yolla dükanları sökdürə,ələ keçirə bilmədiyini görüb şəhər icra hakimiyyətindəki və başqa məmurlara arxalanaraq onların dükanlarını guya abadlaşdırmaq məqsədilə hasarladaraq müflis edib ,sonra isə dükanlarını əlindən almaq istəyir. Sahibkarlar haqlı olaraq bildirirlər ki, əgər Rəşid Babayev abadlaşmağın belə qızğın tərəfdarıdırsa elə “feodalizmdən” qalan öz bazarını, Suriya xarabalığını xatırladan binasını indiyi kimi abadlaşdırardı. Bazarın ətrafındakı bərbad vəziyyət olan yolları, ətrafa dəhşətli üfunət qoxusu verən zibilxanaya əl gəzdirərdi. Bazardakı bütün təmizlik işləri ruhi xəstə olan Mətinin ümidinə qalmazdı.Yeri gəlmişkən ruhi xəstənin illərlə qəpik-quruşa işlədilməsi özü də qanuna-zidddir.
Amma bu Azərbaycan qanunlarını saya saymayan Rəşid Babayevin üçün bu adi şeydir. O hətta qəzəbindən şəxsən mallarını təpiklədiyi sahibkarlara “sizin udduğunuz məhkəmə qərarları mənim üçün heç nədir” deməkdən də çəkinmir\’\’-deyə şikayətçilər vurğulayır.
Obyekt sahibləri yazır ki, şəhərdə geniş abadlaşma işləri aparan icra hakimiyyəti də açıq havada, düz yolun kənarında 21-əsrdə Sumqayıtın mərkəzində orta əsrləri xatırladan ,antisanitariya mənbəyi olan meyvə-tərəvəz bazarına nədənsə neçə vaxtdır göz yumur: \’\’Ən ucqar, geridə qalmış rayonlarda orta əsrləri xatırladan bazar yoxdur.
Bu bazarı gözəlləşən Sumqayıta qara ləkə də saymaq olar. Abadlaşmağa qalsa min bir zülmlə ailələrinə çörəkpulu qazanan sahibkarlar Şəhər Memarlıq və Şəhərsalma İdarəsində keçən il müdir müavini olan Kamil Məmmədova 135 min pul yığıb veriblər. Abadlıq işləri abaşlayıb ,ikinci mərtəbə üçün dirəklər belə qaldırılıb, amma Rəşid Şəhər Memarlıq və Şəhərsalma İdarəsini məhkəməyə verib.
Məhkəmə predmeti olduğundan tikinti -abadlıq işləri dayandırılıb. Sahibkarlar deyir ki,abadlaşdırmaqdırsa onlar yenidən öz vəsaitləri hesabına dükanlarını gözəl bir layihə əsasında müasir körkəmə sala bilərlər. Əgər dükanlar sökülmürsə sadəcə abadlaşdırılma məqsədilə icra hakimiyyəti tərəfindən təmiz hasarlanırsa niyə mallar çıxmalıdır?!\’\’
Sahibkarlar şəhərin görünüşünü yaxşılaşdırmağı təqdirəlayiq hal saysalar da insanların mülkiyyət hüququnun pozulmasına qarşıdırlar: \’\’Rəşid Babayev və onun havadarları tərəfindən sahibkarların şəxsi əmlakını ələ keçrmək cəhdləri dəfələrlə olub. 66 dükan sahibi ilə onun arasında dəfələrlə məhkəmə çəkişməsi olub və bütün məhkəmə istansiyalarında “bazarkom” uduzub. Məsələ ilə bağlı İqtisadi Məhkəməsi, Apellyasiya Məhkəməsi, Ali Məhkəmə, Plenumda sahibkarların xeyrinə qərar çıxarıb. Hətta Əmlak komitəsi də Rəşid Babyevi məhkəmədə udub və onun 1 hektar ərazisinə olan sənədləri ləğv olunub,sahibkalra məxsus ,24 sot (qərardan əvvəl 12 sot) ərazini əhatə edən 66 obyektin mülkiyyət hüququ təsdiqlənib.
Rəşid Babayev ərazini 2010-cu ildə özəlləşdirdiyini bildirsə də, sahibkarların bir çoxu öz obyektlərini 2003–cü iləcən qanuni şəkildə özəlləşdiriblər. Dəhşətlisi orasıdır ki, 1 hektar əraziyə olan sənəd Əmlak Komitəsi tərəfindən sərancamla ləğv olunub və qərarda deyilir ki, o sənədlərini təzədən hazırlamalıdır. Yəni öz sənədi olmadan o həm Əmlakı,həm bələdiyyəni ,həm də Şəhər Memarlıq və Şəhərsalma İdarəsini məhkəməyə verir, sahibkarlarla sənəd davası edir və bu gün icra başçısı sənədləri qaydasında olmayan bir şirkətə layihə tapşırılması ilə bağlı sərəncam verir.
Aydındır ki, dükanların qabağını demək olar ki, tamamilə hasarlamaq ora alıcının girə bilməməsi və dükanların bağlanması anlamına gəlir. Düzdür, icra hakimiyətinin adından qanundan danışan Akif Quliyev sahibkarları aldadaraq vəd verir ki, bəs onların əmlakı sökülməyəcək, sadəcə yeni tikiləcək “Meyvə” bazarının nəzdində fəaliyyət göstəriləcək, onların əmlak hüququ tanınacaq.
deyilənə görə əvvəllər “Kamaz” sürücüsü olan icra başçısının müavininə necə inanmaq ki, bu adam dükan sahibləri ilə “bazarkom” arasında qarşıdurmanın pik vaxtında bazarda tez-tez görüşdüyü və ehtimala görə çöldəki ,bərbad vəziyyətdə,antisanitariya şəraitində fəaliyyət göstərən qanunsuz meyvə bazarına şərik olduğu Rəşidlə söhbət zamanı onun 2011-ci ildə Rəşid Babayevə ”Lazım olsa, özüm traktora oturub bunların dükanını sökəcəyəm\” deməsi o zaman qəzet manşerlərini başlığına çevrilmişdi. İndi təsəvvür edin, belə deyən məmurdan qanunun aliliyini gözləmək nə qədər düzgündür? O zaman “yuxarıdan” ona məsləhət görüldü ki, o tərəflərdə görünməsin. Lakin görünür Akif Quliyev məğlubiyyəti unutmayıb və dükan sahiblərindən intiqamını almaq istəyir\’\’.
Sahibkarlar bildirir ki, hazırki iqtisadi böhran şəraitində, ölkə prezidenti işsizliyin aradan qaldırılması üçün böyük səylər göstərir. Məmurlara dəfələrlə xəbərdarlıq edib ki, sahibkarların fəaliyyətinə mane olmasınlar, vətəndaşlara xidmət etsinər, əksinə onların qayğıları ilə maraqlansınlar. \’\’Sahibkarlar da ölkə başçısının sahibkarlara qayğısını yüksək qiymətləndirir və prezidenti dəstəkləyir. Nəzərə alsaq ki, hər dükanda 4-5 nəfər işləyir və onların hər biri 3-4 nəfərdən ibarət ailəni dolandırır, o zaman 66 dükanın sökülməsi yüzlərlə adamın işsiz, 1000-ə yaxın insanın çörəksiz qalması deməkdir. Bundan başqa nəzərə almaq lazımdır ki, çoxsaylı qanun pozuntuları ilə işləyən Rəşid Babayevdən fəqli olaraq 66 dükan sahibi illərdir nümunəvi vergi ödəyiciləridirlər.
Rəşid Babayevin əsas havadarlarından və şəriklərindən biri olan Akif Quliyev sahibkarları uşaqbaşı aldadan kimi aldatmağa çalışaraq bildirir. Guya onların dükanlarının sökülməməsinə yazılı zəmanət verə bilər. Amma o hətta bunu etsə də sahibkarlar daha nə Akif Quliyevə, nə də icra şəhər icra hakimiyyətinin qanunun alilyini, onların mülkiyyət hüquqlarını qoruyacağına, daha inanmır. Akif Quliyev sahibkarlara “nağıl “danışır ki, guya bazar abadlaşandan sonra onlara da sənəddə göstərilən qədər yer veriləcək. Sahibkarlar isə bu qənaətdədirlə ki, icra hakimiyyəti və Rəşid Babayev abadlaşma adı ilə onları aldadıb dükanlarını əlindən alıb sökməkdir. Sökəndən sonra isə bütün vədlər, zəmanətlər yaddan çıxacaq\’\’.
Sahibkarlar deyir ki, əgər Rəşid Babayev sahibkarlara yer verən idisə indiyəcən onlara qan uddurmaz onlarla yola gedərdi. Sahiblkarlar bildirirlər ki, Prezident Aparatının qabağına şikayətə gedəcəklər, hüquqlarının bərpasını istəyəcəklər.
Məsələ ilə bağlı Rəşid babayev və Akif Quliyevlə əlaqə saxlamaq mümkün olmadı. Gün ərzində onların mövqeyini öyrənməyə çalışacağıq.(crminal.az)
İnterpress.az
