Sərnişinnəqliyyatda istifadə olunan avtobusların içərisində gündəlik olaraq təmizlik və salonda, xüsusi ilə tutacaqlarda kimyəvi təmizliyin aparılması və xəstəliklər yaradan virusların, müxtəlif mikroorqanizmlərin təmizlənməsi, sərnişinlərin təhlükəsizliyi üçün çox vacib şərtlərdəndir. Amma şox təəssüf olsun ki, bu gün paytaxtımızda sərnişindaşıma sahəsində fəaliyyət göstərən bir sıra avtobuslarda nəinki kimyəvi təmizlik işləri aparılır, hətda bu avtobusların içərisində müxtəlif məişət tullantılarını, siqaret kötüklərini, oturacaqlarda isə illərdən bəri yığılan çirk və tozun qalıqlarını aydın şəkildə görmək olur.
Bu vəziyyət “Baku Bus” avtobuslarında tam fərqlidir.
“Baku Bus” MMC-nin mətbuat xidmətinin rəhbəri Mansur Priyev İnterpress.az-a bildirir ki, “BakuBus” avtobusları hər gün qrafik üzrə marşrut xəttindən qayıtdıqdan sonra texniki baxış, kompüter diaqnozu , xarici və daxili yuyulmadan sora xüsusi kimyəvi məhlullarla dizinfeksiya olunur.
M. Priyev “BakuBus” bu sahəyə xüsusi önəm verildiyini və dizinfeksiya işlərini qəbul olunmuş standartlara uyğun şəkildə həyata keçirildiyini bildirib.
Çünki sərnişin nəqliyyatda təhlükəsizlik və rahatlıqdan söhbət gedirsə sərnişinlərin sağlamlığını, sağlam mühitdə daşınmasını unutmaq olmaz:
“ Bu sərnişinlərin təhlükəsizliyin tərkib hissəsidir. Dizinfeksiya işləri mütəxəssislər tərəfindən və kimyəvi təmizlik üçün tibbdə istifadə olunan vasitələrlə həyata keçirilir. Bu sahədə beynəlxalq standartlar mövcuddur. Bildiyimiz kimi böyük şəhərlərdə, meqapolislərdə yolxucüu xəstəliklərin sürətlə yayılmasında təhsil ocaqları ilə yanaşı sərnişinnəqliyyat vasitələrinin də rolu böyükdür. Bu baxımdam avtobusların təmizliyi və təhlükəsizliyindən danışanda söhbət həm də avtobusların kimyəvi təmzliyindən və profilaktik olaraq dizinfeksiya işlərinin aparılmasından getməlidir”.
Gülşanə Mustafayeva
İnterpress.az
