Sumqayıtda 30 yaşlı qadının qətli ilə bağlı keçmiş həyat yoldaşı saxlanılıb.
Şəhər Polis İdarəsi və Şəhər Prokurorluğu əməkdaşlarının həyata keçirdiyi təxirəsalınmaz istintaq-əməliyyat tədbirləri nəticəsində qətli törədən şəxsin isti izlərlə müəyyən edilərək tutulması təmin edilib. Mərhumun keçmiş həyat yoldaşı Hüseynov Zaur İnqilab oğlu şübhəli şəxs qismində saxlanılıb.
14:37
***
Hadisə bu gün baş verib. Şəhər sakini, 30 yaşlı Esmira Şirbala qızı Hüseynovanın işlədiyi mağazanın qarşısında üzərində zorakılıq əlamətləri olan meyiti tapılıb.
Faktla bağlı Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Hadisəni törədən şəxsin müəyyən edilməsi istiqamətində zəruri və təxirəsalınmaz istintaq-əməliyyat tədbirləri davam etdirilir.
Qeyd edək ki, qətl baş verən yerin fotoları sosial şəbəkələrdə yayılıb. ( apa )
İnterpress.az
