ABŞ səlahiyyətliləri Nyu-York ştatında koronavirus peyvəndindən sonra baş verən 23 ölüm hadisəsini araşdırırlar.
Bu barədə “RİA Novosti”yə ABŞ-ın Xəstəliklərə Nəzarət və Profilaktika Mərkəzinin nümayəndəsi məlumat verib.
Onun sözlərinə görə, hazırda ölümlərlə qəbul edilən dərman arasında əlaqə təsdiqlənməyib.
Son məlumatlara əsasən, ştatda COVID-19 peyvəndindən sonra 643 nəfərdə əks göstərişlər müşahidə olunub.
Mərkəzin nümayəndəsi deyib ki, hazırda peyvəndlərin təhlükəsizliyinə problem yaradan hansısa dəlil yoxdur.
İnterpress.az
