ABŞ Müdafiə Nazirliyinin sözçüsü Con Kirbi Əfqanıstanda təxliyə prosesi ilə bağlı açıqlamalar verib.
Yenisabah.az xəbər verir ki, o, Qətərdəki sıxlığı azaltmaq üçün Kabul hava limanındakı uçuşların dayandırıldığını söyləyib.
“Əfqanıstanda terror təhlükəsinin 20 il əvvəlki qədər pis olduğunu düşünmürük. Əfqanıstanlı ailələrdən birinin ABŞ əsgərlərinə Kabul hava limanında divar üzərindən təslim etdiyi körpə xəstədir və müalicə olunduqdan sonra atasına qaytarılacaq”, – deyə Kirbi əlavə edib.
