Premyer Liqanın ikinci yarısı üçün transfer çalışmalarını davam etdirən “Sumqayıt” FK daha bir futbolçunun keçidini reallaşdırıb.
Belə ki, Sumqayıt komandası son olaraq Moldovanın “Dinamo-Avto” komandasında çıxış etmiş cinah oyunçusu Dmitri Nağıyevlə 2,5 illik müqavilə imzalayıb.
Qeyd edək ki, Dmitri Nağıyev “Dinamo-Avto” (21 oyun, 1 qol) ilə yanaşı “Stumbras” (1 oyun), Vyana “Qarabağı” (15 oyun, 1 qol) və “Dnepr”in (13 oyun, 1 qol) uğurları üçün çalışıb. Nağıyev həmçinin U-21 millimizin də (2 oyun) şərəfini qoruyub.
Onu da bildirək ki, Ukraynada doğulmuş 25 yaşlı müdafiəçi 2018-ci ilin iyulun 3-də “Sumqayıt”la bir illik müqavilə bağlasa da, oyuna çıxmayıb və bir ay sonra komandanı tərk edib. Onun atasının soyadı Azərbaycan familiyasına bənzəsə də, ana tərəfdən yarı azərbaycanlı, yarı ukraynalıdır.
İnterpress.az