Belarus ikinci atom elektrik stansiyasının tikintisi ilə bağlı Rusiya ilə məsləhətləşmələrə hazırlaşır.
İnterpress.az xəbər verir ki, bu barədə Belarusun energetika naziri Denis Moroz “Belarus 1” telekanalına deyib.
“Belarus respublikada ikinci atom elektrik stansiyasının tikintisinin texniki parametrlərini, o cümlədən maliyyə şərtləri və layihənin həyata keçirilməsi üçün mümkün müddətlər üzrə Rusiya ilə məsləhətləşmələrə hazırlaşır”, – nazir deyib.
O, Belarus energetiklərinin hazır olduğunu və ikinci AES-in də birincisi kimi Belarusun iqtisadiyyatı üçün işləyəcəyinə inandığını vurğulayıb.
Xuraman Etibarlı
İnterpress.az
