Çin gəmiləri Yaponiyanın ərazi sularını pozub.
Bu barədə İnterpress.az yerli mediaya istinadən xəbər verir.
Okinavanın Naha qraflığında yerləşən 11-ci Dairə Sahil Mühafizəsi Qərargahının məlumatına görə, Çinin 4 sahil mühafizə gəmisi Yaponiyanın milli ərazi sularını pozub.
Çin gəmiləri mübahisəli Senkaku adaları bölgəsindəki Uotsuri adasından təxminən 20 kilometr cənub-qərbdə Yaponiyanın milli ərazi suları ərazisinə daxil olub.
Yaponiya Sahil Mühafizəsi Çin gəmilərinə bölgəni tərk etmələri barədə xəbərdarlıq edib. Ərazi sularının bu cür pozulması bu il ilk dəfə baş verib.
Şərqi Çin dənizində Yaponiyanın “Senkaku” və Çinin “Diaoyu” adlandırdığı arxipelaq 5 ada və 3 qayadan ibarətdir.
Yaponiyaya məxsus olan və Çinin iddia etdiyi və üzərində heç kimin yaşamadığı adalar uzun müddətdir ki, suverenlik mübahisələrinə səbəb olub.
