Əliyev-Paşinyan dialoqu: “Danışıqların alternativi yoxdur” – Politoloqbackend

Əliyev-Paşinyan dialoqu: “Danışıqların alternativi yoxdur” – Politoloq

  • whatsapp
  • messenger
  • telegram
  • vkontakte
  • odnoklassniki

“Azərbaycan və Ermənistan liderləri dekabrın 15-də Brüsseldə Avropa İttifaqı-Şərq Tərəfdaşlığı sammiti çərçivəsində görüşmək barədə razılığa gəliblər. Liderlərin görüşməsinə və danışıqlar aparmasına həqiqətən böyük ehtiyac var”.

Bu sözləri Yenisabah.az-a açıqlamasında “Atlas” Araşdırmalar Mərkəzinin sədri Elxan Şahinoğlu deyib.

Politoloqun fikrincə, iki ölkə müharibədən sonra yerdə qalan problemli məsələləri masa ətrafında həll etməyə çalışmalıdır:

“Sərhəddəki gərginliyin artırılması nə Azərbaycana, nə də Ermənistana faydalıdır. Bizə lazımdır ki, Ermənistanın baş naziri Nikol Paşinyan sərhədlərin müəyyənləşməsiylə bağlı danışıqlara razılaşsın, dəhlizin açılması sürətlənsin, sülh sazişinin mətni üzərində iş başlasın. Bunun üçün müxtəlif səviyyələrdə danışıqların başlaması faydalıdır. Əlbəttə, bir və ya bir neçə görüşdən nəticə çıxamayacaq, ancaq indiki şərtlərdə danışıqların alternativi yoxdur”.

E. Şahinoğlu əlavə edib:

“Azərbaycan cəmiyyəti İkinci Qarabağ müharibəsində yekdil idi, fərqli yanaşma yoxuydu, çünki söhbət işğal altındakı torpaqlarımızın azad olunmasından gedirdi. Ancaq sərhəddə baş verən son toqquşmalar və itkilərimizlə bağlı cəmiyyət içərisində fərqli baxışlar meydana çıxıb, bunu sosial şəbəkələrdəki müxtəlif statuslardan da hiss etmək olar”.

O, Zəngəzur dəhlizi ilə bağlı sosial şəbəkələrdə yazılan fikirləri şərh edərkən deyib:

“Zəngəzur dəhlizi məsələsində Qarabağın azad olunması qədər israrlı olmamalıyıq” kimi fikirlərlə razılaşmasam da, fərqli fikirləri və bu mövzuda diskussiyaları normal qiymətləndirirəm, çünki 10 milyon azərbaycanlı eyni düşünə bilməz. Zəngəzur dəhlizi və sərhəddəki toqquşmalarla bağlı cəmiyyətdə fikir ixtilafının yaranması o deməkdir ki,  bu mövzuların cəmiyyətə daha tutarlı və məntiqli şəkildə izahına ehtiyac var. Hakimiyyət ideoloqları bu barədə düşünməlidirlər”.