ABŞ Federal Təhqiqatlar Bürosunun (FTB) direktoru Kristofer Rey Hindistanın ABŞ-da bir siqh liderini öldürməyi planlaşdırdığına dair iddialardan sonra Yeni Dehliyə gedib. Bu barədə İnterpress.az xarici mediaya istinadən xəbər verir.
Xəbərdə təhlükəsizlik sahəsində əməkdaşlıq və tərəfdaşlığın dərinləşdirilməsi məsələlərinin müzakirə ediləcəyi səfərin Sıx liderinin iddialarından dərhal sonra həyata keçirildiyi qeyd edilib.
Digər tərəfdən Hindistan mətbuatında yer alan xəbərlərə görə, Wray iki günlük səfəri çərçivəsində Hindistan Mərkəzi Təhqiqat Bürosundan (CBI) Praveen Sood ilə görüşüb.
Görüş zamanı Hindistan tərəfindən axtarışda olan şəxslərin ekstradisiyası, kiberməkanda törədilən cinayətlər kimi məsələlər müzakirə edilib.
Wray-ın Hindistan kəşfiyyat və təhlükəsizlik rəsmiləri ilə də görüşü gözlənilir.
Britaniyanın “Financial Times” qəzeti noyabrın 23-də ABŞ-da Xəlistan Azadlıq Qüvvələrinin (KLF) “Sikhlər Ədalət Uğrunda” (SFJ) hərəkatının lideri Qurpatvant Sinq Pannuna qarşı sui-qəsdin qarşısı alındığını iddia edib.
Nyu-Yorkun Cənub Bölgəsinin Baş prokuroru Damian Williams, Hindistan vətəndaşı Nikhil Quptanı Pannuna sui-qəsd hazırlamaqda ittiham edərək, noyabrın 29-da iddianaməni ictimaiyyətlə paylaşıb.
İddianamədə sözügedən planın Hindistanda “təhlükəsizlik idarəsi və kəşfiyyat” sahəsində çalışdığı iddia edilən bir dövlət qurumunun əməkdaşı tərəfindən “idarə edildiyi” və bu şəxsin “sui-qəsdin təşkili üçün Quptanı işə götürdüyü” qeyd edilib.
Bildirilib ki, ABŞ prezidenti Co Bayden sentyabr ayında Yeni Dehlidə keçirilən G20 Sammitində Hindistan administrasiyasının ABŞ-da yaşayan sikx liderinə qarşı sui-qəsd cəhdində əli olması ilə bağlı narahatlığını Hindistanın baş naziri Narendra Modiyə çatdırıb.
