Malidə həftəsonu qeyri-qanuni qızıl mədəninin çökməsi nəticəsində azı 70 nəfərin öldüyü məlum olub.
Bu barədə interpress.az xarici mediaya istinadən xəbər verir.
Mədən Müdirliyinin yüksək rütbəli rəsmisi bildirib ki, Koulikoro bölgəsinin cənub-qərbindəki Kanqaba rayonunda qeyri-qanuni fəaliyyət göstərən qızıl mədəni çöküb.
Rəsmi hadisə nəticəsində ən azı 70 nəfərin həyatını itirdiyini, axtarış-xilasetmə işlərinin davam etdiyini qeyd edib.
Afrikanın üçüncü ən böyük qızıl istehsalçısı olan Malidə qeyri-qanuni mədən fəaliyyətlərində belə qəzalar tez-tez baş verir.
