Ev sahibləri mənzildə antisanitar vəziyyətə görə 50 min rubl (təxm. 1 000 man) cərimə ödəməli olacaqlar.
İnterpress.az xəbər verir ki, bu barədə Rusiya mediası məlumat yayıb. Bununla bağlı Dövlət Duması qanun qəbul edir.
“Dövlət Dumasının Tikinti və Mənzil-Kommunal Təsərrüfat Komitəsinin sədr müavini Sergey Kolunov Rusiya hökumətinə, mənzillərdə antisanitar vəziyyətə görə cərimələrin 50 min rubla qədər artırılmasını təklif edən qanun layihəsini təsdiqləmək üçün göndərib.
Təklif olunan dəyişikliklərə görə, qanun pozuntusuna görə vətəndaşlara 50 min rubl məbləğində inzibati cərimə tətbiq ediləcək.
Fiziki şəxslər 2500-dən 5000 rubla qədər, hüquqi şəxslər üçün – 25.000-dən 50.000 rubla qədər və ya 90 günə qədər fəaliyyətin inzibati dayandırılması cəzası tətbiq olunacaq”, – məlumatda deyilir.
Xuraman Etibarlı
İnterpress.az
