UEFA Millətlər Liqasının qrup mərhələsinin IV turunun növbəti oyunlarından sonra statistik göstəricilər açıqlanıb.
Azərbaycan yığması 4 qarşılaşma ərzində ən çox top qazanan komandalar sırasında yer alıb.
Milli üzvləri matçlarda 172 dəfə buna müvəffəq olublar. Komanda bu göstəricidə 4-cü pillədə qərarlaşıb.
Avstriya seçməsi (180) birinci sırada yer alıbsa, Azərbaycan yığmasının qrupdakı rəqibi Qazaxıstan Danimarka kollektivi ilə birlikdə 2-3-cü yerləri bölüşdürür. Hər iki komanda ümumilikdə 174 dəfə top qazana bilib.
Qeyd edək ki, Azərbaycan millisi IV turda Bakıda Belarusu 2:0 hesabı ilə məğlub edib.
