“Netanyahu hakimiyyətdə qalmaq üçün regional müharibənin olmasını istəyir”.
İnterpress.az xəbər verir ki, bu barədə Türkiyənin xarici işlər naziri Hakan Fidan Qətərdə Həmas nümayəndə heyəti ilə 3 saatlıq görüşdən sonra deyib.
“Biz əvvəlcə münaqişənin bölgəyə sıçrama riskindən danışdıq… Aydındır ki, Netanyahu hakimiyyətdə qalmaq üçün bölgəmizi müharibəyə sürükləməyə çalışır.
Biz üçüncü ölkələrin bu regiona münaqişələr gətirməsini istəmirik. ABŞ və Qərb ölkələri İsraili dayandırmalı, ona “dayan” deməli, münaqişənin genişlənməsinin qarşısını almalıdır”, – Fidan bildirib.
Xuraman Etibarlı
İnterpress.az
