İsveçrədə “Sürix”ə qarşı keçirilmiş UEFA Çempionlar Liqasının II təsnifat mərhələsinin cavab oyununda zədələnən “Qarabağ”ın futbolçuları – Kevin Medina, Maksim Medvedev və Marko Veşoviçin son durumu bəlli olub.
Bu barədə komandanın baş məşqçisi Qurban Qurbanov 2:2 hesablı heç-heçə ilə bitən matçdan sonra mətbuat konfransında açıqlama verib.
50 yaşlı mütəxəssis Medinanın zədəsinin ciddi ola biləcəyini istisna etməyib: “Bakıya qayıtdıqdan sonra daha dəqiq diaqnoz qoyulacaq. Digərlərinin zədəsi isə yorğunluqla bağlıdır. Ciddi problemləri yoxdur”.
Qeyd edək ki, “Qarabağ” Bakıdakı ilk qarşılaşmada “Sürix”ə 3:2 hesabı ilə qalib gəlmişdi.
