Qırğızıstanda polis niqablara qarşı kütləvi reydlər keçirir və onları düz küçədə çıxarmağa məcbur edir.
İnterpress.az xəbər verir ki, bu barədə Milli Təhlükəsizlik Dövlət Komitəsinin mətbuat mərkəzi məlumat yayıb.
Aprelin 2-də MTN-in Cəlal-Abad bölgəsi üzrə baş idarəsində prokurorluq, rayon Daxili İşlər İdarəsi, Dini Qurumlarla İş üzrə Dövlət Komissiyasının nümayəndələri və ədliyyə orqanlarının nümayəndələrinin iştirakı ilə əməliyyat müşavirəsi keçirilib.
İclasda “Dini etiqad azadlığı və dini qurumlar haqqında” qanunun icrası ilə bağlı tədbirlər müzakirə olunub.
Sözügedən qanunun tələblərinə uyğun olaraq, ictimai yerlərdə niqab taxmaq qadağan edilib və 20 min som (təxm. 230 dollar) cərimə nəzərdə tutulub. Lakin bəzi vətəndaşlar bu qanunun tələblərinə əməl etmirlər.
Xuraman Etibarlı
İnterpress.az
