Rusiya Xarici İşlər Nazirliyi bəyan edib ki, ABŞ-ın nüvə silahı Şimali Avropaya yerləşdirilərsə, Rusiya və NATO arasında birbaşa hərbi münaqişə ssenarisində hədəf olacaq.
Bu barədə interpress.az xarici mediaya istinadən xəbər verir.
Kreml ABŞ-ı hədəfə alıb və qeyd edilib ki, Rusiya Amerika təyyarələrini məhv edəcək. Rusiya Xarici İşlər Nazirliyinin sözçüsü Mariya Zaxarova ABŞ-ın nüvə silahlarının Şimali Avropaya yerləşdiriləcəyi təqdirdə Rusiya ilə NATO arasında birbaşa hərbi münaqişə ssenarisində hədəf olacağını bildirib.
Soçidə keçirilən Ümumdünya Gənclər Festivalı çərçivəsində keçirdiyi həftəlik mətbuat konfransında Zaxarova Finlandiya prezidenti Aleksandr Stubbın “ölkəsi üçün nüvə çəkindirici qüvvəyə malik olması vacibdir” ifadələrini dəyərləndirib.
ABŞ-ın nüvə silahlarının Şimali Avropaya yerləşdiriləcəyi təqdirdə, bu silahları alan ölkələrin təhlükəsizliyini gücləndirməyəcəyini ifadə edən Zaxarova bildirib: “Amerikanın nüvə silahları Şimali Avropada peyda olarsa, bu silahları alan ölkələrin təhlükəsizliyi nəinki zəifləmiş, həm də açıq şəkildə zədələnmişdir. Bu silahların nəticələrini başa düşmək çox aydındır. Belə obyektlər birbaşa təhlükə mənbəyi olacaq və təbii ki, onların müəyyən etdiyi qanuni hədəflər siyahısına daxil edilməsi qaçınılmaz olacaq. Biz başa düşürük ki, Birləşmiş Ştatlar və onun peykləri məhz bunu istəyirlər”.
Kremldən verilən açıqlamada isə qeyd edilib: “ABŞ Ukraynada Rusiyaya qarşı döyüşür. Rusiya hərbi əməliyyat çərçivəsində Amerika təyyarələrini və Amerika tanklarını məhv edəcək”.
