Məhkəmə Ukraynanın keçmiş kənd təsərrüfatı naziri Nikolay Solskini həbs edib.
İnterpress.az xəbər verir ki, Solski Ukraynanın Sum vilayətində 291 milyon qrivna (12,5 milyon manat) dəyərində dövlət torpaq sahəsinə qanunsuz sahiblik etməkdə və 191 milyon qrivna (8,2 milyon manat) dəyərində başqa torpaq sahəsini ələ keçirməyə cəhddə şübhəli bilinir.
Aprelin 25-də Solski cinayət işinə görə istefa verib.
Qeyd edək ki, ali antikorrupsiya məhkəməsinin qərarı ilə o, 75 milyon qrivna (3,2 milyon manat) məbləğində girov müqabilində azadlığa buraxılma ehtimalı ilə həbs edilib.
