“Bu ilin 6 ayı ərzində 1 324 075 halda 827 352 əcnəbi və vətəndaşlığı olmayan şəxs ölkəyə daxil olub. Bu rəqəm 2017-ci ilin müvafiq dövründə 1 199 770 halda 747 107 olub”.
İnterpress.az xəbər verir ki, bunu Dövlət Miqrasiya Xidmətinin (DMX) rəisi Vüsal Hüseynov qurumun 6 aylıq fəaliyyətinin yekunlarına həsr olunan mətbuat konfransında bildirib.
Xidmət rəisinin sözlərinə görə, bu rəqəmlər ölkəyə gələn əcnəbilərin sayında 10 faiz artımın olduğunu göstərir: “Hesabat dövründə 347.767 əcnəbi və vətəndaşlığı olmayan şəxs olduğu yer üzrə qeydiyyata alınıb. 2017-ci ilin müvafiq dövründə bu rəqəm 315 736 olub. Bu da ötən illə müqayisədə 10 faizdən çox artım deməkdir”.
İnterpress.az
