İnterpress.az xəbər verir ki, sakinlər Cavanşir 8 ünvanında yerləşən 5 mərtəbəli binanın sökülməsi zamanı təhlükəsizlik qaydalarına riayət edilmədiyini bildirib.
Sakinlərin sözlərinə görə, Cavanşir 8 ünvanında yaşayan sakinlər köçürüldükdən sonra Xətai rayon İcra Hakimiyyəti tərəfindən söküntü işləri başlayıb: “Ancaq heç bir təhlükəsizlk qaydalarına riayət olunmur. Hər gün narahatlıq içində yaşayırıq. Ətrafda uşaqlar dolaşır, xüsusilə onlar üçün çox qorxuruq. Dəfələrlə söküntü aparan briqadaya müraciət etmişik, ancaq heç bir tədbir görülmür. Gərək hansısa faciə baş versin, ondan sonra tədbir görülsün? Məsələ ilə bağlı hətta 102 xidmətinə də müraciət etmişik”.
Məsələ ilə bağlı Xətai rayon İcra Hakimiyyətindən İnterpress.az-a sakinlərin müraciətinin araşdırılacağı bildirilib.
Elnarə
İnterpress.az
