TV işçilərinin İnterpress.az-a verdikləri məlumata görə, açılış mərasimində Azərbaycan prezidentinin İctimai-siyasi məsələlər üzrə köməkçisi Əli Həsənov, Milli Televiziya və Radio Şurasının sədri Nuşirəvan Məhərrəmli, Mətbuat Şurasının sədri Əflatun Amaşov, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, Mətbuat Şurasının İdarə Heyətinin üzvü Vüqar Rəhimzadə, KİV rəhbərləri iştirak ediblər.
Verilən məlumata görə, “Xəzər Televiziya və Radio Yayımları” MMC-nin Xətai rayonunda yerləşən yeni inzibati binasında ümumilikdə 265 otaq var. Binada sahəsi 1000 kv.m olan böyük şou studiyası, 3 efir studiyası, 2 avtodayanacaq, Xəzər-Media Təlim Mərkəzi, jurnalistlərin övladları üçün uşaq bağçası, tibb otağı var.
*** ***
Xeyli müddətdir ki, insaatı davam edən Xəzər Televiziyasının yeni binasının açılışı olacaq.
İnterpress.az-a televziya əməkdaşlarının verdiyi məlumata görə, bu gün Xəzər Tv-nin yeni binasının açlışı olacaq. Xəzər Tv-nin Nobel prospektində inşa edilən binasının tikinti işləri yekunlaşıb. Bu gün saat 3-də baş tutacaq açılış da ölkə başçısı İlham Əliyevin də iştirakı gözlənilir.
Biz də həmkarlarımızı təbrik edir, arzu edirik ki, yeni binada, yeni, səviyyəli və baxımlı layihələr həyata keçirsinlər.
İnterpress.az
