Məlumata görə, “Neftçi” doğma meydanda Maltanın “Baltsan” klubunu qəbul edib.
Oyuna bakılılar fəal başlayıblar – artıq 20-ci dəqiqədə Jairo hesabı açıb. Lakin səfərdə qazanılan 2:0 hesablı qələbəni də nəzərə alaraq arxayınlaşan “Neftçi” futbolçularını qonaqlar cəzalandırıblar.
Əvvəlcə 51-ci dəqiqədə hesab bərabərləşib. 6 dəqiqə sonra maltalı Feneç penalti zərbəsindən yararlana bilməyib. 67-ci dəqiqədə isə Malta təmsilçisi istəyinə çatıb – 1:2.
Bundan sonra bir qədər özünə gələn “Neftçi” hesabı qorumağa müvəffəq olub.
Beləliklə, iki oyunun nəticəsinə görə Bakı təmsilçisi növbəti mərhələyə yüksəlib. (trend)
İnterpress.az
