İngiltərə futbolunun əfsanələri sırasında adı çəkilən Pol Qaskoynun karyerasını başa vurduqdan sonra yalnız qalmaqallarla gündəmə gəldiyi məlumdur. Spirtli içki aludəçisinin son görüntülərinə təəssüflənməmək olmur.
Məlumata görə, “Qazza” bugünlərdə hamam xalatıyla taksidən düşərkən görüntülənib. İçki, siqaret və ağrıkəsiçi almağa gedən Qaskoynun ayaq üstə güclə durduğu şəkillərə baxanda hiss olunur. Demək olar çılpaq vəziyyətdə taksidən düşən sabiq futbolçunun heç ayaqqabısı da olmayıb.
Şahidlərin sözlərinə görə, ağlı başında olmayan Pol evin açarını unutduğu üçün qonşulardan kömək istəyib.
2004-cü ildə futbol karyerasını başa vuran Qaskoyn İngiltərə millisinin formasını 57 dəfə geyinib. (publika.az)
İnterpress.az
