Fevralın 6-da baş verən zəlzələlərin episentri olan Kahramanmaraşda “əsrin fəlakəti” olaraq xarakterizə edilən iki rayonda şagirdlər martın 27-dən təhsilə başlayacaq.
Bu barədə İnterpress.az yerli mediaya istinadən xəbər verir.
Zəlzələdən ən çox zərər çəkən vilayətlərdən biri olan Kahramanmaraşda Milli Təhsil Nazirliyinin qərarından sonra məktəblər bağlanıb.
1127 məktəbin və 327 min şagirdin təhsil aldığı Kahramanmaraşda zəlzələ nəticəsində 12 məktəb dağılıb, qalan məktəblərin yüzdə 12-si isə zərər görüb.
Bölgədə dağıntıların təmizlənməsi işləri sürətlə davam edərkən, Nazirlik zəlzələdən ən az zərər çəkən rayonlar olan Ekinözü və Andırında martın 27-də mərhələli şəkildə təlimlərə başlamaq qərarına gəlib.
İki rayonda şagird və müəllimlər zəlzələdən 49 gün sonra dərsə başlayacaqlar.
