İnterpress.az xəbər verir ki, bu haqda Sport7.az saytına baş məşqçi Əfqan Talıbov məlumat verib. Onun sözlərinə görə komandada o qədər də ciddi dəyişiklik gözlənilmir.
\”İkinci dövrədə limit tətbiq olundu. Bu üzdən 3-4 futbolçu dəvət etmək niyyətindəyik. Sİndi seçim edirik. Yeni ildən sonra tam heyətlə oynayacağıq. Yanvarın 5-dən toplanışa başlayacağıq. İkinci dövrənin ilk oyunu \”Şəmkir\”ə qarşı olacaq. Rəqib transferlər baxımından çox fəaldı, üstəlik premyer-liqaya vəsiqə qazanmaq niyyətindədi. Bizi çətin oyun gözləyir. 2-3 nəfər təcrübəli futbolçunun komandanı tərk etməsinə baxmayaraq onların yerlərini gənclərlə doldurub, fevralın 1-dən yaxşı başlamağa çalışacağıq.
Müdafiəçimiz Rəşad Orucov, hücumçularımız Aslan Hüseynovla Fərmayıl Əliyev gedib. Heyətimiz 80-90 faiz yerindədi. Amma ehtiyatda da futbolçularımız olmalıdı.
Təbriz Həsənovla danışmışıq. Ayın 27-i saat 12.00-da, Bayılda U-19-la yoldaşlıq görüşü keçirəcəyik. Bu oyunda seçimlərimizi qətiləşdirəcəyik. Gətirmək istədiyimiz futbolçuların adların dəqiq bilmirəm. \”Şahdağ\”ın keçmiş qapıçısı, o cümlədən bəzi futbolçuları yoxlayacağıq. Limitin dəyişməsi oyunumuza təsir etməyəcək, çünki buna hazır idik. Gənclərimiz var. Əlavə 3-4 nəfər əlavə edərək komandanı tamamlamalıyıq.
Xaricə getmək planımız yoxdu. Bu həm limit, həm də maliyyə durumu ilə bağlıdı. Həll etməyə çalışdıq, amma vaxt məhdudiyyəti var. Yol gedib gəlmək də təsir edə bilər. Burda həm yüksək dəstə təmsilçiləri, həm də birinci divizionun iddialıları ilə yoldaşlıq görüşü keçirəcəyik. Komandaların əksəriyyəti güclənir\”.
İnterpress.az
