imali Koreya lideri Kim Çen In bildirib ki, hərbi peykin buraxılması “düşmənlərin” fəaliyyətinə qarşı “tam hüquqlu müdafiə təlimi”dir. Bu barədə İnterpress.az xarici mediaya istinadən xəbər verir.
Şimali Koreyanın Koreya Mərkəzi Xəbər Agentliyinin (KCNA) məlumatına görə, Kim “Malligyong-1” adlı hərbi peykin orbitə çıxarılmasında əməyi olan mühəndis və alimləri ziyarət edib.
Kim burada verdiyi açıqlamada hərbi peykin olmasının “düşmən qüvvələrə” qarşı çəkindirici rol oynadığını bildirib.
Hərbi peykin Şimali Koreya üçün “kosmik güc əsri”ni müjdələdiyini bildirən Kim, orbitə buraxılmasını “düşmənlərin” fəaliyyətinə qarşı “tam hüquqlu müdafiə manevri” kimi qiymətləndirib.
Kim, peykin xarici güclərin hərbi fəaliyyətlərini izləyən “kosmos qoruyucusu” olduğunu ifadə edərək, aviasiya və kosmos kəşfiyyat imkanları ilə bağlı hədəflərə çatmaq üçün səy göstərilməli olduğunu qeyd edib.
Şimali Koreya noyabrın 21-də “Malligyong-1” peykinin uğurla orbitə yerləşdirildiyini açıqlayıb və “erkən tarixdə daha çox peykin buraxılacağını” açıqlayıb.
