Beynəlxalq Cüdo Federasiyası serbiyalı idmançını 5 ay müddətinə yarışlardan kənarlaşdırıb.
İnterpress.az xəbər verir ki, bu barədə xarici media məlumat yayıb. Bildirilir ki, Beynəlxalq Cüdo Federasiyası serbiyalı idmançı Nemanya Majdovu 5 ay müddətinə yarışlardan kənarlaşdırıb.
Səbəb rəsmi müsabiqədə dini jest nümayiş etdirməsidir. Maydov Olimpiya Oyunlarında döyüşə girərkən xaç çəkib.
İdmançı etdiyi hərəkətə görə üzr istəməyib, ona bütün turnirlərdə, təlim-məşq toplanışında və məşqdə iştirak etmək qadağan edilib.
“Təbii ki, müdafiə çıxışımda bunun üçün üzr istəmək istəmədim. Mən bunu heç vaxt etməyəcəyəm.
Rəbb mənə hər şeyi verdi, mənim üçün o bir nömrədir. Bu heç bir şəraitdə dəyişməyəcək. Cüdo kimi gözəl və çətin idman növünün belə şeylərə düşməsinə təəssüf edirəm”, – idmançı bildirib.
Xuraman Etibarlı
İnterpress.az
.
