ABŞ Maliyyə Nazirliyi bildirib ki, İŞİD kriptovalyuta vasitəsilə ayda 25 min dollara qədər pul yuyur.
İnterpress.az xəbər verir ki, ABŞ Maliyyə Nazirliyinin Maliyyə Cinayətləri ilə Mübarizə Şəbəkəsi (FinCEN) maliyyə qurumlarını əməliyyatları maliyyələşdirmək üçün İŞİD-in rəqəmsal aktivlərindən istifadənin artması ilə bağlı xəbərdarlıq edib.
BMT-nin hesabatına görə, İŞİD-in Əl-Kərraradakı qolu hər ay 25 min dollara qədər virtual valyuta köçürüb.
Qrup Bitcoin və Tether (USDT) kimi stabilkoinlərdən istifadə edir, həmçinin Ethereum, Monero və Tron vasitəsilə pul yığımı təşviq edir.
“Virtual aktivlər birbaşa Suriyanın şimalında, tez-tez İdlibdə və ya dolayısı ilə Türkiyə vasitəsilə İŞİD tərəfdarlarına göndərilib”, – bildirişdə izah olunur.
Xuraman Etibarlı
İnterpress.az
