BƏƏ-də turistləri daşıyan hava şarı qəzaya uğrayıb. İki nəfər ölüb, rusiyalı qadınlar yaralanıb.
İnterpress.az xəbər verir ki, Dubay səhrası üzərində gəzinti uçuşu zamanı faciə baş verib.
Göyərtəsində ikisi rus qadın olmaqla 12 nəfərin olduğu şar havaya qalxdıqdan 40 dəqiqə sonra kəskin əyilib və yerə düşüb. Səbət yerə dəyərkən bir neçə dəfə çevrilib.
Bəzi sərnişinlər təhlükəsizlik kəmərləri sıradan çıxdığı üçün səbətdən atılıb. Qalanlarının üzərini şarın qübbəsi örtüb.
Zərərçəkənlər xəstəxanaya yerləşdirilib; onların vəziyyəti ağır və orta-ağırdır.
Bir kişi və bir qadın ölüb, onların milliyyəti dəqiqləşdirilir.
Xuraman Etibarlı
İnterpress.az
