İrəvan Azərbaycanın əsas tələbləri ilə razılaşıb.
İnterpress.az xəbər verir ki, bu barədə Türkiyənin xarici işlər naziri Hakan Fidan deyib.
Hakan Fidan Azərbaycanla Ermənistan arasında aparılan danışıqlarda nəzərəçarpacaq irəliləyişin əldə olunduğunu bildirib.
Onun sözlərinə görə, əldə olunan razılaşmalar, o cümlədən Bakının ABŞ ilə anlaşması, bölgədə sülh üçün əlverişli şərait yaradıb.
Nazir vurğulayıb ki, proses Türkiyə ilə sıx koordinasiya şəraitində aparılıb və Zəngəzur dəhlizi ilə bağlı açıqlama Azərbaycanın əsas tələbləri ilə razılaşmanın göstəricisidir.
Bununla belə, Fidan dəhlizin formatının hələ müəyyənləşmədiyini, hazırda yalnız konsepsiyanın qəbul olunduğunu və detallı məsələlərin növbəti danışıqlarda müzakirə ediləcəyini qeyd edib.
Xuraman Etibarlı
İnterpress.az
