İsveç Polşaya təcili əlavə təyyarələr və HHM vasitələri göndərir.
İnterpress.az xəbər verir ki, bu barədə Polşa müdafiə naziri bildirib.
Nazir açıqlayıb ki, İsveç təhlükəsizlik vəziyyətindəki gərginliklə bağlı Polşaya təcili dəstək göstərir.
Onun sözlərinə görə, Stokholm artıq əlavə hərbi təyyarələrin və hava hücumundan müdafiə sistemlərinin göndərilməsi barədə qərar verib.
Nazir bildirib ki, bu addım regionda artan risklərə cavab olaraq həm Polşanın, həm də NATO-nun şərq cinahının müdafiəsini gücləndirmək məqsədi daşıyır.
Xatırladaq ki, son günlər Polşanın hava məkanında naməlum dronların və raket qalıqlarının aşkar olunması fonunda NATO fövqəladə məsləhətləşmələr aparır.
İsveçin dəstəyi alyansın üzv ölkələri ilə həmrəyliyinin göstəricisi kimi qiymətləndirilir.
Xuraman Etibarlı
İnterpress.az
