Danimarka NATO Nizamnaməsinin 4-cü maddəsinə müraciət etməyi nəzərdən keçirir.
İnterpress.az xəbər verir ki, bu barədə Danimarka müdafiə naziri Poulsen bildirib.
Müdafiə naziri bildirib ki, Danimarka hava limanlarının və hərbi obyektlərin işini pozmağa cəhd edən “peşəkar” şəxslərin təhrik etdiyi sistemli dron insidentləri ilə üzləşir.
Poulsen “Ukraynaya dəstəyimizi sarsıtmaqda maraqlı ola biləcək ölkələr və ya aktyorların olduğunu” vurğulayıb və “Rusiya tərəfindən özümüzü qorxutmağa imkan verməməyimiz çox vacibdir” deyib.
O bildirib ki, hadisələrin xarakteri Danimarka infrastrukturunun müntəzəm olaraq istismardan çıxarılmasını “tamamilə yersiz” edir.
Bundan əvvəl Polşa və Estoniya Rusiyanın hava məkanını pozması ilə bağlı Xartiyanın 4-cü maddəsinə əsasən NATO-dan məsləhətləşmələr tələb etmişdi.
NATO Nizamnaməsinin 4-cü maddəsi hər hansı üzv dövlətin ərazi bütövlüyünə, siyasi müstəqilliyinə və ya təhlükəsizliyinə təhlükə yarandığı halda müttəfiqlər arasında məsləhətləşmələrin aparılmasını nəzərdə tutur. Bu, üzv dövlətə özünü təhlükə altında hesab edərsə, Alyans daxilində müzakirələrə başlamağa imkan verir.
Xuraman Etibarlı
İnterpress.az
