Barnaulda sosial şəbəkələrdə məşhurlaşan siqaret sənət evinin giriş zalı təxminən bir milyon rubla başa gəlib.
İnterpress.az xəbər verir ki, bu barədə Rusiya KİV məlumat yayıb.
Rusiyanın Barnaul şəhərində yerləşən İki mərtəbəli bina boş siqaret qutularından ibarət mozaika ilə örtülüb, bəzi yerlərdə iki və ya daha çox təbəqə üçölçülü fiqurlarla bəzədilib.
Bina qısa müddətdə sosial şəbəkələrdə geniş maraq doğurub. İki mərtəbəli binanın divarları 2000-ci ildən bəri toplanan 5000-dən çox nadir siqaret qutusu ilə mozaika şəklində bəzədilib. Bəzi yerlərdə qutular bir neçə qatla düzülərək həcmli fiqurlar yaradıb.
Qonşuların verdiyi məlumata görə, bu qeyri-adi instalyasiya binada yaşayan üç sakin – iki qardaş və onların dostu tərəfindən yaradılıb. Onlar 26 il əvvəl küçəyə böyük bir vedrə qoyaraq tanışlarından boş siqaret qutularını oraya atmağı xahiş ediblər.
Divarlara yapışdırılan 5000-ə yaxın qutu siqaretin zərərləri barədə xəbərdarlıq yazıların olmadığı dövrlərə aid nadir nümunələrdir.
1948-ci ildə tikilmiş bu tarixi binanın “art-girişi” üçün təxminən 1 milyon rubl (təxminən 23 700 manat) xərc çəkildiyi bildirilir. Lakin binanın qəzalı vəziyyətdə olması səbəbindən sökülməsi nəzərdə tutulur.
Sosial şəbəkə istifadəçiləri nadir kolleksiyanın məhv olmaması üçün onun muzeyə və ya başqa bir məkana köçürülməsinin vacib olduğunu vurğulayırlar.
Xuraman Etibarlı
İnterpress.az
