Volqoqradda məmur 7 il ərzində cəmi 142 gün işə çıxıb.
İnterpress.az xəbər verir ki, bu barədə Rusiya KİV məlumat yayıb.
Rusiyanın Volqoqrad şəhərində rayon rəhbərinin müavini qəribə iş qrafikinə görə açılmış işin mərkəzində yer alıb.
İstintaqın versiyasına görə, sözügedən məmur 7 il ərzində vəzifəsinin icrası üçün xidmətə cəmi 142 gün gəlib.
O, qalan bütün vaxtını isə şəxsi hüquq təcrübəsi (vəkillik/hüquqşünaslıq) ilə məşğul olmağa sərf edib.
Əlavə olaraq bildirək ki, işə gəlmədiyi və şəxsi işləri ilə məşğul olduğu müddət ərzində dövlət məmuru əməkhaqqını kəsilmədən, tam həcmdə almağa davam edib.
Hazırda faktla bağlı müvafiq istintaq tədbirləri həyata keçirilir.
Xuraman Etibarlı
İnterpress.az
