Gigiyena məhsullarının 85%-nin etiketində göstərilməyən təhlükəli kimyəvi maddələr ehtiva etdiyi aşkar edilib.
İnterpress.az xəbər verir ki, bu barədə “New York Post” məlumat yayıb.
Yeni araşdırmada şəxsi qulluq və gigiyena məhsullarının 85 faizində etiketdə göstərilməyən və potensial təhlükəli hesab edilən kimyəvi maddələr aşkarlanıb.
Məlumata görə, 113 məhsul üzərində aparılan araşdırmada bəzi məhsullarda hormonal sistemə təsir göstərə bilən maddələr, ftalatlar, ətir komponentləri və digər kimyəvi birləşmələr müəyyən edilib.
Tədqiq edilən məhsulların etiketlərində orta hesabla 16 maddə göstərilsə də, faktiki olaraq hər məhsulda orta hesabla 51 kimyəvi maddə aşkarlanıb.
Xüsusilə “toksik deyil”, “ətirsiz” və digər bu kimi ifadələrlə satışa çıxarılan məhsullarda da problemli maddələrə rast gəlindiyi bildirilib.
Tədqiqatda bəzi məhsulların üzərindəki iddialarla faktiki tərkibin üst-üstə düşmədiyi qeyd olunur.
Xuraman Etibarlı
İnterpress.az
