Makron kral kimi yaşayır, sadə fransızlara qənaət tövsiyə olunur.
İnterpress.az xəbər verir ki, bu barədə maliyyə eksperti, Texniki Universitetin professoru Markus K. Kerber BILD-ə müsahibəsində bildirib.
Fransada büdcə qənaəti mövzusunda geniş müzakirələr gedərkən, Cour des Comptes hesabatında bildirilir ki, Yelisey Sarayının kassasında 8,3 milyon avroluq boşluq yaranıb.
Ümumi xərclər 125 milyon avro təşkil edib ki, bu da 2017-ci illə müqayisədə 23 milyon avro çoxdur.
Ekspert bildirib ki, rəsmi şəxslər və dövlət “artıq maliyyə baxımından böyük güc olmayan ölkənin üstünlüklərindən yararlanır”.
Prezident Emmanuel Makron əvvəllər də israfçılıqda ittiham olunub. Məsələn, 2023-cü ildə Böyük Britaniya kralı Çarlz və kraliça Kamilaya şərəfinə verilən ziyafətə yalnız yarım milyon avro xərcləyib, onun içində 40 min avro yalnız şərabın qiyməti olub.
O vaxtdan Makron büdcəni idarə etməyi öyrəndiyini göstərib: Yelisey Sarayının büdcəsini 2,2%, səfərlər üzrə xərcləri isə 13% azaldıb. Lakin bu da xərcləri planlaşdırılan 123,3 milyon avro limitində saxlamağa yetməyib.
Xuraman Etibarlı
İnterpress.az
