Almaniyada hər beş dəqiqədən bir polisə hücum edilir.
İnterprerss.az xəbər verir ki, bu barədə BİLD yazıb. Bildirilir ki, Almaniyada polisə hücumların sayı kəskin artıb.
2024-cü ilin cinayət statistikasına görə, ölkədə hər gün 300-dən çox fövqəladə hallar xidməti və polis əməkdaşı cinayətin qurbanına çevrilir.
Mütləq rəqəmlərlə desək, ildə 117 548 hadisə baş verib, onlardan 109 545-i polis əməkdaşlarına hücum olub. Bu, əvvəlki illə müqayisədə 5,1% çoxdur.
Almaniyanın daxili işlər naziri Nensi Feser etiraf edib ki, təkmilləşdirilmiş avadanlıq və polis sayının artmasına baxmayaraq, bu tədbirlər kifayət deyil.
“Bizim cəmiyyətdə daha çox həmrəyliyə ehtiyacımız var. Polisə və xilasedicilərə qarşı zorakılıq hər kəsi narahat edir və heç kimə laqeyd yanaşmamalıdır”, – o vurğulayıb.
“Almaniyada orta hesabla, demək olar ki, hər üç gündə bir polis məmuru ağır yaralanır. Ölən polislərdən biri də ötən may ayında Manheymdə islamçıya qarşı hücumu dayandırmaq istəyərkən ölümcül yaralanan Rufen Laurdur”, – Polis həmkarlar ittifaqının rəhbəri Rayner Vendt bildirib.
Berlin polisinin sözçüsü Benyamin Yendronun sözlərinə görə, paytaxtda “hər saat bir polis məmuru hücuma məruz qalır”.
Berlində ilk dəfə olaraq şübhəlilər arasında əcnəbilərin sayı almanların sayından çox olub.
Xuraman Etibarlı
İnterpress.az
