Türkiyənin Bursa şəhərində yerli istintaq təcridxanasının əməkdaşlarını daşıyan avtobusda partlayış baş verib.
İnterpress.az Türkiyə mediasına istinadən xəbər verir ki, hadisə Bakı vaxtı ilə 08:30 radələrində olub.
Partlayış nəticəsində 1 nəfər həlak olub, daha 8 nəfər isə yaralanıb.
Bursa vilayətinin qubernatoru Yakup Canpolatın sözlərinə görə, partlayış üçün kənardan idarə edilən əldəqayırma partlayıcı qurğudan istifadə olunub. Hazırda insidentlə bağlı araşdırma aparılır.