Əməkdar artist məmurlardan danışdı: “Ay qudurğanlar, nəyiniz əskikdir?“backend

Əməkdar artist məmurlardan danışdı: “Ay qudurğanlar, nəyiniz əskikdir?“

  • whatsapp
  • messenger
  • telegram
  • vkontakte
  • odnoklassniki

Ötən gün Cəlilabad və Şəmkir rayonlarının yeni icra başçılarını qəbul edən Prezident İlham Əliyev məmur rüşvətxorluğu məsələsinə də toxunub. Korrupsioner məmurlardan danışan ölkə başçısı onlara barmaq silkələyib. Prezident deyib ki, vəzifə səlahiyyətlərindən sui-istifadə edən şəxslər cəzasız qalmayacaq, bundan sonra da onlar barəsində lazımi ölçü götürüləcək.

Mövzu ilə bağlı Yenisabah.az-a danışan Əməkdar artist Süleyman Abdullayev (Dədə Süleyman) Prezidentin çıxışını diqqətlə dinlədiyini deyib və bəzi məmurları sərt tənqid edib:

“Prezidetin çıxışını diqqətlə dinlədim, çox haqlı idi. Məmurlardan şikayətlər hələ çox olacaq, prezidentin inandığı, etimad göstərdiyi adamlar bəzən etibarsız olur. Hələ onun açmadığı sirlər çoxdur. Bəzi insanlar gəlib vəzifə başına keçən kimi qudururlar. Həmin məmurlar da İlham Əliyev kimi xalqa hər şeyi açıq deməlidirlər. Mənim  fikrimcə, vəzifəyə gedənlər gərək and içib sonra getsinlər. Hər biri Qurani-Kərimə and içsin ki, xalqla düz danışacağıq. Onlar düzgün iş görmürlər. Ay qudurğanlar, nəyiniz əksikdir axı, siz sanki cənnətdəsiniz. Amma bunu qanmırsınız, özünüzü cəhənnəm oduna atırsınız. Rüşvəti rüşvətin ardıvca alırsınız. Kimsə torpaq almaq istəyir İcra hakimi deyir ki, “5 min ver”, “Ev tikdirirsən, 10 min ver”. Prezident hər şeyi bilir, yavaş-yavaş bütün bunların üstü açılacaq. Həmin məmurlar pul üçün göz görə-görə uçuruma gedirlər.

Torpaq sizin, el-oba sizin, o qədər maaş alırsız, utanmırsınız?! Pulları sandığın, divanın altına yığırlar, yetim-yesirin pulunu yeyirlər, sosial kartları saxlayırlar. Utanıb ölürsünüzmü, heç azca da olsa xəcalət çəkirsinizmi? Şəhid ailələrinə ayrılan payları mənimsəyirlər, içindəkilərin yarısını götürüb satırlar. Bunların hamıs bir-bir üzə çıxacaq!”