Bloqer Samsung smartfonunun komponentlərini kompüter siçanının korpusuna yerləşdirib.
İnterpress.az xəbər verir ki, bu barədə texnologiya mediası məlumat yayıb.
YouTube istifadəçisi qeyri-adi mini-kompüter hazırlayaraq Samsung Galaxy smartfonunun daxili komponentlərini kompüter siçanının korpusuna yerləşdirib.
Qurğu USB-C vasitəsilə monitora qoşulur və Samsung DeX rejimindən istifadə edir.
Bu rejim smartfonu pəncərələr, tapşırıq paneli və siçan idarəetməsi olan masaüstü interfeysə çevirir.
Qurğunun kiçik ölçüsünə baxmayaraq, o, adi kompüter siçanının funksiyalarını qoruyub.
Mini-kompüter 4K videoları, oyunları və eyni anda bir neçə tətbiqi işlədə bilir.
Xuraman Etibarlı
İnterpress.az
