Erməni hərbçilər Putini təhqir edib.
Interpress.az xəbər verir ki, bu barədə internetdə video yayılıb.
İnternetdə yayılan videoya 450 min izləyici baxıb.Kadrlarda isveçrəli Sandro Şmidin motosikllə sakitcə sərhədə doğru getdiyi və orada döyüş mövqeyi qarşısında hərəkət etdiyi görünür.
Ona yaxınlaşan hərbçilərdən biri Vladimir Putini təhqir edir.
Erməni mediası videodan narahatlığını bildirib.
Onlar videodan çıxarılan nəticələri qeyd ediblər:
“Ön cəbhədə xaos hökm sürür. İstənilən şəxs ora daxil olub çəkiliş apara bilir, hərbçilər isə öz vəzifələrinin fərqində deyil.
Ordu “ukraynalaşır” — anti-Rusiya əhval-ruhiyyəsi erməni ordusuna nüfuz edib”.
Erməni analitiklərin qənaətinə görə, əgər Ermənistan Müdafiə Nazirliyi bu açıq insidentə qiymət verməsə və tədbir görməsə, ön cəbhədə nəzarətsiz vəziyyət və orduda anti-Rusiya əhval-ruhiyyəsinin dövlət tərəfindən təşviq olunduğu qənaətinə gəlmək olar.
Xuraman Etibarlı
İnterpress.az
