Avstriyadakı Ermənistan konsulu Azərbaycana casusluqda ittiham olunur.
Interpress.az xəbər verir ki, bu barədə “Hraparak” nəşri məlumat yayıb.
Bildirilir ki, Ermənistanın Avstriyadakı konsulu Aşken Aleksanyan İrəvana qayıdarkən Azərbaycan xeyrinə casusluq şübhəsi ilə saxlanılıb.
Məlumata görə, təxminən iki ay əvvəl Ermənistanın diplomatik korpusunda baş vermiş hadisə hakimiyyət tərəfindən gizli saxlanılmağa çalışılıb.
Hətta Aşken Aleksanyan haqqında internetdən və açıq mənbələrdən demək olar ki, bütün məlumatlar, o cümlədən onun təyinatı ilə bağlı rəsmi açıqlama silinib.
Xuraman Etibarlı
Interpress.az
