Estoniya Rusiya sərhədində 600-dək bunker tikməyi planlaşdırır.
İnterpress.az xəbər verir ki, bu barədə ERR telekanalı məlumat yayıb.
Estoniya Rusiya ilə sərhəd bölgəsində, İda-Virumaa ərazisində təxminən 150 bunker tikməyi planlaşdırır.
İstehkamlar Estoniyanın Latviya və Litva ilə birgə yaratdığı Baltik Müdafiə Xətti çərçivəsində inşa ediləcək.
Estoniyanın müdafiə naziri Martin Heremin sözlərinə görə, bunkerlərin 100-ü dövlət torpaqlarında, təxminən 50-si isə bələdiyyə və özəl mülkiyyətdə olan ərazilərdə yerləşdiriləcək.
Torpaq sahibləri ilə icarə, kompensasiya və ya torpağın satın alınması barədə danışıqlar aparılacaq.
Estoniya 2027-ci ilin sonunadək ümumilikdə 600-dək möhkəmləndirilmiş bunker yerləşdirməyi planlaşdırır.
Həmçinin tank əleyhinə xəndəklərin qazılması və beton maneələrin hazırlanması nəzərdə tutulur.
Xuraman Etibarlı
İnterpress.az
