Ölkənin aparıcı Gənclər Təşkilatlarının rəhbərləri deputatlığa namizəd Tənzilə Rüstəmxanlıya dəstək məqsədilə birgə bəyanat yayıb.
Onlar Neftçala sakinlərini, xüsusən neftçalalı gəncləri seçki dönəmində Tənzilə Rüstəmxanlıya səs verməyə, onunla birgə olmağa səsləyiblər.
İnterpress.az həmin Bəyanatı təqdim edir:
“Biz, Azərbaycanın müxtəlif bölgələrində fəaliyyət göstərən gənclər təşkilatları olaraq, ölkəmizin inkişafı və gələcək nəsillərin daha parlaq bir gələcəyə sahib olması üçün məsuliyyət daşıdığımıza inanırıq. Bu istiqamətdə ölkəmizdə sosial ədalətin, demokratik dəyərlərin və gənclərin hüquqlarının qorunmasının vacibliyini vurğulayırıq.
Bu məqsədlə, tanınmış ictimai fəal, Türk Dünyası sevdalısı və gənclər arasında böyük nüfuza malik Tənzilə xanım Rüstəmxanlının millət vəkilliyinə namizədliyini tam dəstəkləyirik. Tənzilə xanım Rüstəmxanlı cəmiyyətin müxtəlif təbəqələri arasında körpü qurmaq, gənclərin problemlərini yüksək səviyyədə gündəmə gətirmək və onları daha yaxşı təmsil etmək üçün geniş bilik və təcrübəyə malikdir.
Tənzilə xanım Rüstəmxanlının keçmişdəki fəaliyyətləri və həyata keçirdiyi uğurlu layihələr onun gənclər arasında vətənpərvərlik hissinin gücləndirilməsi, təhsilin inkişafı və sosial bərabərliyin təmin edilməsi üçün gördüyü işlərlə tanınır. Biz inanırıq ki, Tənzilə xanım Rüstəmxanlı millət vəkili seçilərsə, ölkəmizin gələcək nəsillərinə yönəlik siyasətlərin formalaşdırılmasında vacib rol oynayacaqdır.
Biz, gənclər təşkilatları olaraq, Tənzilə xanım Rüstəmxanlının namizədliyini dəstəkləyir və onunla birlikdə ölkəmizin daha yaxşı gələcəyi üçün çalışmağa hazırıq. Gənclərin səsi və gücü olaraq, onun bu şərəfli yolda yanında olacağımızı bəyan edirik.
Gənclərin Təşəbbüsünə və İnkişafına Dəstək İctimai Birliyinin sədri Toğrul Allahverdiyev
“Qızılbaş” Gəncləri Maarifləndirmə İctimai Birliyinin sədri Natəvan Abbasova
“İslahatçı Gənclər” İctimai Birliyinin sədri Fərid Şahbazlı
“Gənclərin Sosial Tərəfdaşlığı Mərkəzi” (GSM)İctimai Birliyinin sədri Fidan Azərqızı
“Gənclərin Töhfəsi” İctimai Birliyinin sədri Asim Vəliyev
Azərbaycan-Slavyan Gəncləri Assosiasiyasının sədri Səbuhi Abbasov
“Gənclərə Qayğı” İctimai Birliyinin sədri Anar Abdulkərimov
“Dayanıqlı İnkişaf Uğrunda” Gənclər İctimai Birliyinin sədri Fərid Muradov
“İnnovativ Gənclər” İctimai Birliyinin sədri Raul Əhmədov
“Qeyd” Sosial Maarifləndirmə İctimai Birliyinin sədri Tural Nurməmmədov
Demokratik Azərbaycan Naminə gənclərin İctimai Birliyinin sədri Elməddin Behbud
“Gənclərin Anti-Narkomaniya” İctimai Birliyinin sədri Büllur Məmmədova
Dünya Gənc Türk Yazarlar Birliyinin başqanı İntiqam Yaşar”.
