Gürcüstanda hökumət əleyhinə etiraz aksiyalarının 8 iştirakçısı 2 və 2,5 il müddətinə azadlıqdan məhrum edilib.
Interpress.az xəbər verir ki, bu barədə yerli Birinci Kanal məlumat yayıb.
Onlar «Qrup halında ictimai qaydanı pozan hərəkətlərin təşkili və ya iştirak» ittihamı ilə günahlandırılıblar. Bəzilərinə 2 il 6 ay, digərlərinə isə 2 il həbs cəzası verilib.
Hakimin sözlərinə görə, noyabrın 28-dən dekabrın 3-dək aksiyanın iştirakçıları Rustaveli prospektində müxtəlif əşyalar ataraq barikadalar qurublar.
Nəticədə parlament binası, meriya əmlakı və infrastruktur obyektləri zədələnib.
Xuraman Etibarlı
Interpress.az
