Gürcüstanda etiraz aksiyalarında iştirak edən rusiyalı 8 il 6 ay müddətinə azadlıqdan məhrum edilib.
İnterpress.az xəbər verir ki, bu barədə Gürcüstan mediası məlumat yayıb.
Bildirilir ki, Gürcüstanın paytaxtı Tbilisidə keçirilən anti-hökumət aksiyalarında iştirak edən rusiyalı Anton Çeçinə hökm oxunub.
O, 2024-cü ildəki etirazlarda iştirakına görə və böyük həcmdə narkotik vasitələrin qanunsuz saxlanması ittihamı ilə Tbilisidəki məhkəmə tərəfindən 8 il 6 ay müddətinə azadlıqdan məhrum edilib.
Çeçin ittihamları qəbul etməyib və özünü təqsirsiz hesab edib.
Xuraman Etibarlı
İnterpress.az
