Haiti Prezidenti Jovenel Moizə qarşı sui-qəsd nəticəsində onunla birlikdə qətlə yetirildiyi deyilən birinci xanım Martin Moizin sağ qaldığı məlum olub.
Martin Moiz öz tvitter hesabında müalicə aldığı xəstəxanadan şəkil paylaşaraq ona dəstək olan hər kəsə təşəkkür edib. Bildirib ki, basqın zamanı ağır yaralansa da, həyatda qala bilib. Prezident isə aldığı yaralardan dünyasını dəyişib.
Qeyd edək ki, iyulun 6-dan 7-nə keçən gecə Haiti Prezidenti Jovenel Moizin yaşadığı iqamətgaha bir qrup şəxs tərəfindən silahlı hücum təşkil olunub. Hazırda hücumda təqsirli bilinən bir qrup şəxs saxlanılıb və istintaq davam edir.
Xatırladaq ki, dünyanın aparıcı KİV orqanları ölkənin birinci xanımının da həlak olduğunu yazmışdı.
