İspaniyanın Mülki Qvardiyası ölkədə Hizbullah üzvlərinə qarşı əməliyyata başlayıb.
İnterpress.az xəbər verir ki, bu barədə İspaniya mətbuatı araşdırmada iştirak edən mənbələrə istinadən məlumat yayıb.
İspaniya Mülki Qvardiyası İspaniyada Hizbullah üzvü olmaqda şübhəli bilinənlərə qarşı əməliyyata başlayıb.
Mənbələr şübhəlilərin bəzilərinin İspaniyada yaşayan Livan vətəndaşları olduğunu bildirib.
Əməliyyatı İspaniya ordusunun kəşfiyyat xidməti həyata keçirir, axtarışlar və həbslər isə prokurorluq və Milli Məhkəmə tərəfindən əlaqələndirilir.
Qeyd olunur ki, Mülki Qvardiya artıq ikinci dəfədir ki, İspaniyadakı Hizbullah hücrələrinə qarşı sərt tədbirlər görür.
Xuraman Etibarlı
İnterpress.az
