Daha iki girovun cəsədi İsrailə qaytarılıb.
Interpress.az xəbər verir ki, bu barədə İsrail ordusu məlumat yayıb.
İsrail ordusu və Təhlükəsizlik Xidməti (ŞABAK) birgə əməliyyat nəticəsində Qəzza sektorundan daha bir İsrail girovu İlan Vaysın cəsədini geri qaytarıb.
Məlumata görə, o, 2023-cü il oktyabrın 7-də ölkənin cənubuna hücum zamanı HƏMAS döyüşçüləri tərəfindən Beeri kibutsundan girov götürülüb və öldürülüb.
Həmin gün onun həyat yoldaşı və qızı da əsir götürülmüşdü, onlar isə noyabrda müvəqqəti atəşkəs çərçivəsində azad ediliblər.
Eyni zamanda, daha bir girovun qalıqları aşkar edilib, lakin onun adı hələ açıqlanmır.
Xuraman Etibarlı
İnterpress.az
