Türkiyənin İstanbul şəhərinin Arnavutköy məhəlləsində yaşayış binasını gənə basıb.
Gənələr əvvəl binanın bayır divarlarında görünməyə başlayıb. Sonra isə mənzillərin içərisinə daxil olub. Nəticədə bina yüzlərlə gənə ilə əhatə olunub.
Bina sakinləri qorxaraq özlərini çölə atıblar.
Aralarında azyaşlı uşaqların da olduğu 13 nəfərin yaşadığı binanın sakinləri bu haldan panikaya düşüblər. Onlar gənələrin haradan gəldiyini, kiminsə atıb-atmadığını bilmədiklərini deyiblər.
Sakinlərdən biri ərazidə çoxlu heyvanların olduğunu və gənələrin heyvanlardan da qaynaqlana biləcəyini qeyd edib.
Mənbə: Haber Global
